Akademia Profesionale Elita është qëndër formimi profesional, e cila ju përgatit konkretisht për profesionin që ju do të zgjidhni sipas dëshirës. Akademia Elita me anë të leksioneve dhe praktikës ju aftëson për një karrierë të sigurtë dhe të suksesshme. Tek ne praktika ka rol shumë të rëndësishëm. Akademia Profesionale Elita është vlerësuar nga një numër i madh institucionesh dhe personalitetesh…
ELITA, mundësia më e mirë për çdo individ
Akademia Elita është vlerësuar si arsimi më i mirë profesional nga instanca shtetërore por dhe nga shumë personalitete; për risinë, mësimdhënien, cilësinë dhe mbështetjen ndaj studentëve në vazhdueshmëri.
Njihu me vlerësimet
Mirësevini
AKADEMIA ELITA
Akademia Profesionale Elita është qendër formimi profesional, e cila ju përgatit konkretisht për profesionin apo fushën e përzgjedhur nga ju.
Elita është cilësuar si institucioni i arsimit profesional më i mirë në Shqipëri nga një sërë personalitetesh dhe institucionesh. Pedagogët tanë janë nga mësimdhënësit më të kualifikuar dhe profesional në fushat e tyre dhe kjo për të siguruar cilësinë më të lartë të kualifikimit.
Institucioni ynë çdo vit ka sjellë ide të reja, kurse dhe degë me cilësi sa më të larta për të përgatitur profesionistët e së ardhmes Europiane. Mijëra studentë të kualifikuar në kurset 20 javore, 12 javore, 7 javore dhe disa ditore të cilët sot janë punësuar në kompanitë më të mëdha në Shqipëri dhe jashtë saj, qindra studentë tanët sot kanë marrë iniciativat për hapjen e bizneseve të reja dhe ojf-ve ku shumë nga ata i kanë zhvilluar bizneset dhe ojf-të e tyre përtej objektivave primarë. Dhjetra studentë të Elitës sot janë zgjedhur si këshilltarë bashkiak, deputet, drejtor drejtorish dhe në një sërë pozicionesh të tjera të rëndësishme në administratën publike por edhe në partitë politike në vend, shumë të tjerë vetëm prej kualifikimit te ne kanë gjetur suksesin e tyre jashtë Shqipërie. Koordinimi i leksioneve dhe shumëllojshmëria e tyre e cila ofrohet vetëm pranë Elitës siguron përgatitjen më të mirë profesionale të studentëve në fushën të cilën kualifikohen. Akademia Profesionale Elita është bërë mikpritëse e mijëra studentëve të të gjitha moshave dhe profileve që nga gjimnazistët të cilët duan të jenë një hap përpara shokëve të tyre deri tek mosha e cila ka dalë në pension dhe me përkushtim vazhdon ende përgatitjen.
Elita është konceptuar si një institucion i cili ofron arsimim në vazhdueshmëri.
Që nga
2012
Akademia Elita ka disa degë profesionale të cilat janë të liçensuara dhe të njohura nga shteti shqiptar por dhe nga shtetet e Bashkimit Evropian.
Shihni degët
Pse Akademia ELITA
Ne ofrojmë të paktën 9 arsye të forta pse duhet të zgjidhni Akademinë Profesionale Elita, nga ekselenca akademike deri te jeta e gjallë studentore dhe mundësitë e pafundme të cilat ju mund ti gjeni rrugës. Elita është institucioni më i mirë profesional për të krijuar bazat e një të ardhme të sigurtë Europiane. Pedagogë e profesorë, profesionistë, politikanë e biznesmenë nga më të suksesshmit në vend e në botë janë gjithmonë të pranishëm tek Elita për të frymëzuar modele e hapur vizione për secilin prej studentëve tanë.
Ne po krijojmë elitën e Shqipërisë.
ARSYE
09
pse te zgjidhni Akademine Elita
01
I liçensuar sipas ligjit për arsimin profesional dhe kualifikimit sipas kornizës Europiane
Akademia Profesionale Elita është institucioni i parë i liçensuar si akademi e mirfilltë në përgatitjen profesionale të intelektualve të së ardhmes Europiane, ju merrni një profesion me shumë vlerë.
02
Stafi pedagogjik dhe eksperienca e Elitës
Stafi pedagogjik i Elitës është një staf i përzgjedhur nga profesionistët më të mirë në Shqipëri edhe Ballkan. Në përbërje të stafit ka pedagogë të cilët kanë titujt Dr, PhD dhe Prof, pjesë e jona janë personalitete publik, gazetarë të mirënjohur, politikanë por dhe profesionistë nga më të mirët.
03
Kualifimi ynë njihet në të gjithë BE
Kualifikimi që realizoni tek Akademia Profesionale Elita njihet në të gjithë Europën, sepse kualifikimi ynë është sipas kornizës Europiane të kualifikimeve prandaj kualifikimi që merrni ju nevojitet jo vetëm për në Shqipëri por edhe nëse keni vendosur të punoni jashtë vendit. Shumë studentë tanët të suksesshëm e kanë përdorur kualifikimin e realizuar pranë nesh për tu punësuar jashtë Shqipërie por dhe për përfitimin e dokumentave të qëndrimit në shtetet përkatëse.
04
Kualifikimin mund t’a ndiqni online
Për herë të parë Akademia Profesionale Elita do të sjellë mësimin online, dhe iu mbetet ju që të zgjidhni sa herë të vini fizikisht ose ta ndiqni të gjithë trajnimin online. Tashmë nuk është më e nevojshme të vini për çdo javë në Tiranë nga qyteti apo shteti ku banoni.
Përveç mësimit online dhe leksionet do jenë në mënyrë elektronike ku të gjithë pjesëmarrësit ta kenë sa më të thjeshtë proçesin e studimeve pranë nesh.
05
Rrjeti Elitar
Janë më shumë se 12,000 ish-studentë të çertifikuar, të punësuar sot në kompani private, institucione publike, organizata jo-fitimprurëse osë që kanë marrë iniciativën e vetëpunësimit nga Shqipëria, Kosova dhe Maqedonia. Nëpërmjet “ELITA ALUMNI” ne mbajmë dhe zhvillojmë lidhjet me të çertifikuarit tanë, duke i konsideruar si një nga pasuritë më të çmuara që kemi. “ELITA ALUMNI” dhe stafi i Akademisë takohen periodikisht, të gatshëm të ndihmojnë dhe mbështesin njëri-tjetrin.
06
Kosto e ulët e kurseve
Kostot pranë Akademisë Profesionale Elita për ndjekjen e një kursi janë nga kostot më të ulëta duke i krahasuar me tregun pavarësisht cilësisë së lartë, por kjo vjen sepse Elita është një institucion jo fitimprurës dhe social ku si qëllim kryesor ka formimin e Elitës së re të Shqipërisë.
07
Afati i kualifikimeve dhe aktivitetet
Stafi ynë pedagogjik duke konstatuar se jeta është bërë më e vrullshme dhe sot koha është një ndër elementet më kryesorë të gjithësecilit, ka adaptuar programet tona për të qënë sa më të përshtatshme, praktike por dhe në përputhje me kohën në dispozicion e cila për çdo kurs tonin është afati më i shkurtër i mundshëm në përvetësimin profesional të njohurive të dhëna. Kursi më i gjatë pranë Akademisë sonë është 20 javë.
Tek Elita zhvillohen shumë aktivitete të ndryshme, që nga leksionet e hapura me lektorë të njohur , tek të ftuarit e personazheve publik deri te aktivitetet e ndryshme sociale. Një ndër aktivitetet më interesant janë edhe sfidat sipas formatit të Donald Trump.
08
Merr një profesion elitar
Brenda 20 javëve ne ju japim mundësinë e marrjes të një profesioni praktik dhe me shumë vlerë. Nëse nuk keni një profesion ose nëse keni mbaruar një universitet dhe doni edhe një profesion të dytë ose nëse gjithnjë keni dashur të vazhdoni një shkollë të dytë tashmë Akademia Profesionale Elita ua jep këtë mundësi. Ju mund të merrni profesionin e Menaxherit të Biznesit, profesionin e Financierit, profesionin e Administratorit të një institucioni privat ose publik ose të kualifikoheni si një lider për të drejtuar një grup formal ose jo formal vetëm në 20 javë me profesionistët më të mirë dhe me një kosto tepër të ulët.
09
Punësimi dhe mundësitë
90% e studentëve tanë janë të punësuar. Falë lobimit të institucionit tonë por edhe seriozitetit të Akademisë shumë biznese e kanë vënë si kusht kualifikimin pranë Elitës , kjo falë besueshmërisë dhe Elitarëve që kemi nxjerrë ndër vite. Shumë biznese të tjera e vlersojnë shumë pasjen e një kualifikimi shtesë pranë Akademisë Profesionale Elita dhe studentët tanë rrisin % e pranueshmërisë në përzgjedhjen nga tregu i punës ose të suksesshmërisë së tyre në iniciativat e ndërmarra. Në ndihmë të orjentimit të karrierës është edhe një bord pune, me anëtarë personalitete e drejtues nga institucione publike e private, kompani e biznese që kontribuojnë me këshilla të vlefshme, propozime e sugjerime.
12856
STUDENTË
7
DEGË
7
VJET
5
ÇMIME
AKADEMIA PROFESIONALE ELITA
Të gjithë degës e Akademisë Profesionale Elita janë të licensuara. Akademia jonë është e përbërë nga tre departamente kryesore, përkatësisht “Elita e Biznesit” e cila konsiston në përgatitjen e menaxherëve të biznesit, financiereve,etj, departamenti “Elita Politike” ku konsiston në përgatitjen e politikanëve dhe liderave të rinj në politikë si edhe në administraten publike, dhe departamenti i “Elitës Juridike” ku konsiston në përgatitjen e studentëve në fushën e ligjit.
Kjo lloj shkolle është unike në llojin e vetë në Shqipëri
Në shkollën tonë profesionale mund të marrin pjesë të gjithë individët të cilët kanë mbaruar vetëm gjimnazin, individë që kanë mbaruar një Universitet dhe kërkojnë të marrin një profesion tjetër siç është ai i financierit apo edhe individë që kanë mbaruar Fakultetin Ekonomik por duan të zhvillohen e praktikohen më shumë në fushën e financës.
AMBIENTET
STAFI
AKADEMIA ka lektorë të brendshëm të cilët janë paraqitur më poshtë. Por Elita ka edhe lektorët e jashtëm të cilët janë specialist të fushave të tyre, financier, avokat, specialist taksash, specialist politikash, deputet, zv/ministra, drejtorë drejtorish, gazetar, persona publik, etj.
ALUMNI DHE ZYRA E KARRIERËS
Organizata “ELITA ALUMNI” është organizata e studentëve dhe ish studentëve të elitës. Të gjithë këta janë lobistët më të mëdhenj të akademise, janë mbledhësit e fondeve, aplikuesit për projektet, ata që gjenerojnë ide për programe të reja, që krijojnë tregjet e punës për universitetin,etj. Elita Alumni organizon trajnime dhe përgatitje në vazhdueshmëri për studentët dhe ish studentët, por kjo organizatë funksionon dhe si zyrë pune për të lidhur bizneset dhe studentët tanë. Nga kjo organizatë kanë dalë dhe priten të dalin të gjitha idetë e reja për zhvillimin e akadmeisë por dhe aktivitetve të ndryshme në vazhdueshmëri. Ndërkohë Zyra e Karrierës kryen një sërë funksionesh të lidhura ngushtësisht me ofrimin e mundësive që studentët, gjatë kohës së studimeve, të mund të ndërtojnë rrjetin e tyre të njohjes për tu integruar lehtësisht në tregun e punës,por dhe në tregun politik por edhe ndjekjen e tyre pas studimeve pranë akademisë.
Zyra e karrierës ndjek dhe organizon çështjet e karrierës të studentëve; Ofron këshillim dhe udhëzime në lidhje me orientimin dhe zhvillimin e karrierave profesionale të studentëve; Bashkëpunon ngushtë me departamentet e degëve përkatëse për organizimin dhe vijueshmërinë e praktikave profesionale të studentëve; Mban komunikim me Bordet e Tregut të Punës për të tërhequr mendime sa i takon përputhjes së çertifikatave të ofruara , si dhe për të lehtësuar procesin e praktikave; Është përgjegjëse për organizimin e panaireve të punës; Mban marrëdhënie të vazhdueshme me partitë politike në Republikën e Shqipërisë, shoqatat , kompani apo organizima të tjera dhe i mbështet ata në funksionimin e tyre.
President nderi ETTORE SEQUI
Ambasadori i BE viti 2011-2014 në Shqipëri, Z.Ettore Sequi është president nderi tek Akademia Elita. Ai ka vlerësuar maksimalisht mënyrën e mësimdhënies, praktikat dhe funksionimin e saj.[/stm_icon_box]
Akademik nderi i “NORMAN” DRITAN BROKA
Dritan Broka drejtuesi ekzekutiv i Akademisë Elita është vlerësuar me titullin “Akademik Nderi” i akademisë së mirënjohur amerikane “Norman”. Dritan Broka është vlerësuar për realizimin e Akademisë Elita si një sukses të veçantë në Shqipëri.[/stm_icon_box]
Akademik nderi TSACH SAAR
Ambasadori i Izraelit në Shqipëri z. Tsach Saar mori titullin “Akademik Nderi” pranë Akademisë Elita. Saar mori këtë titull për arsye të eksperiencës së shprehur, ideve të reja dhe mbështetje për projektet e studentëve.[/stm_icon_box]
Biznesmen i ri i suksesshëm, miliarderi Dan Balter
Z. Dan Balter është një djal i ri, vetëm 24 vjeç nga Izraeli. Pasuria e tij llogaritet disa milion dollar. Sot ai është pronar i një akademie simotër të Elitës në Izrael. Balter mori çertifikatë Mirënjohje nga Elita.[/stm_icon_box]
KONVENTA E LIDERAVE
Akademia Profesionale Elita organizon “Konventën Kombëtare të Liderave”. Konventa është një union i liderave të rinj, lidera nga një sër organizmash: Forumet rinore politike, shoqeria civile, gazetar të rinj, lidera të rinj në biznes dhe botën financiare, të rinj me influencë në jetën publike, etj.
Konventa e parë e këtij unioni liderash, ku në çdo mbledhje të saj shqyrtoj/propozoj/diskutoj problematika, zgjidhje, ide inovative për të mirën e përbashkët. Unioni konsiderohet si një grupim liderash për të realizuar/shtuar/profesionalizuar bashkëpunimin ndërmjet pjesmarrësve dhe organizmave të tyre për të mirën e përbashkët. Ndërsa konventa do të jetë mbledhja që do të realizohet në intervale kohore të barabarta në vazhdueshmëri dhe do të jetë organizimi më i rëndësishëm për të disukutar në tërësi të gjitha çfarë u tha më lartë por sipas një rendi të bashkëcaktuar dhe mirërealizuar.
Tematika e parë e kësaj konvente ishte: Shqipëra ç’ka qenë, ç;është dhe ç’do të bëhet. Të gjithë në këtë konventë të parë shprehën vizionin e tyre për Shqipërinë tonë. Kishte përfaqësues nga tre partitë kryesore, nga organizata të shoqërisë civile, studentë të ekselencës, studentë të Akademisë Elita, etj.
INSTITUTI ELITE
Instituti Elite realizon kërkime të ndryshme shkencore. Kjo është veprimtaria kërkimore-shkencore dhe zhvillimi, që ka për qëllim kryesor zgjerimin, thellimin, rikonceptimin dhe riintegrimin e njohurive shkencore mbi fenomenet e studiuara dhe të kuptuarit teorik të ndërveprimit midis aktorëve të ndryshëm dhe vetë procesit ku ato ndikojnë.
Ky institut ka për qëllim të gjejë zgjidhje praktike dhe specifike me objektiv kryesor shfrytëzimin e njohurive teorike, me qëllim zbatimin e tyre në praktikë por të merret dhe me studime të llojeve të ndryshme shkencore, filozofike, historike etj.
WhatsApp Akademia Elita