Ëndrra Europiane do të jetë një program Start-up në fushën e biznesit ndryshe nga të gjitha programet start-up të realizuara deri më tani. Kjo e përkthyer jo vetëm në formatin e ri të cilin ne do të sjellim por dhe në të gjitha etapat, objektivat, qëllimet por dhe vetë produktin të cilin ne duam të realizojmë.

Siç dhe vetë emrin ja kemi vënë këtij programi “Ëndrra Europiane” do të thotë të bëhesh pjesë e një shoqërie që të lejon të jesh çfarë të duash dhe të dish se optimizmi individual dhe puna do të shpërblehen.

Kjo ëndërr mund të përdoret për të arritur qëllimin kryesor, nëse ju dëshironi të bëheni i suksesesshëm në fushën e biznesit dhe menaxhimit.

Tyra Banks, një ndër supermodelet më të njohura në botë ka thënë se; “puna dhe vendosmëria kanë të bëjnë me përmbushjen e çdo lloj ëndrre. Kur isha modele, ëndrra ime ishte të isha moderatore në një emision, ndaj planifikova që atëherë se si ta bëja një gjë të tillë. Dhe sot ia kam arritur”.

Për herë të parë do të sjellim një program inovator ku do të edukojmë, përgatisim, trajnojmë individet pjesëmarrës për të ideuar, nisur dhe për të qënë të suksesshëm në tregun real të biznesit Shqipëtar dhe Europian.

I gjithë trajnimi do të eci njëkohësisht në dy paralele, hapja e një biznesi në kushte reale akademike për të praktikuar dhe vënë në jetë të gjitha leksionet dhe këshillat të cilat do të jepen nga specialistët e fushës. Pjesëmarrësit do të trajnohen praktikisht duke i vënë në jetë të gjitha këshillat e specialistëve për të patur sukses.

Me trajnimin dhe këshillimin e pjesëmarrësve do të merren  pedagogë dhe specialistë të fushës së menaxhimit, marketingut, ligjeve, financës por dhe të marrëdhënies me klientin, në fushën menaxheriale etj.

Do ketë të ftuar specialistë teknik por dhe njerëz publik nga fusha e biznesit, sipërmarrjes, menaxhimit dhe drejtimit do jenë pjesë e përgatitjes në vazhdueshmëri të pjesëmarrësve.

I gjithë programi do t’ju impenjojë 1ditë në javë, ditën e shtunë ku do të jetë për trajnimet, këshillimet, vlerësimet, praktikën, ekzekutimi praktik në kushte reale në biznesin e krijuar, etj.

Ëndrra Europiane do të konsistojë në përgatitjen praktike të individëve për dhënien jetë të ideve në biznes, në ngritjen e një biznesi, këshillimin, vlerësimin dhe jetësimin e tij nga plani në letër në realitetin e tregjeve biznesore.

Një biznes start-up është një biznes i sapofilluar. Ai mund të jetë i të gjithë llojeve dhe formave që nga një faqe webi për tu konvertuar në një dyqan apo treg virtual dhe ku mund të gjenerojë të ardhura deri tek bizneset konkrete të cilët kanë nevojë për ambiente fizike dhe mund të përfshijnë ide të ndryshme.

Facebook, Google e Foursquare janë start-ups, pra kompani që u nisën prej diçkaje shumë të vogël e të thjeshtë dhe arritën aty ku po i shohim edhe ne sot.